सत्ता गठबन्धनको बैठकमा सहभागी हुन ओली र यादव बालुवाटार पुगे

२२ फागुन, काठमाडौं । सत्ता गठबन्धनको बैठकमा सहभागी हुनका लागि नेकपा 'एमाले'का अध्यक्ष केपी ओली र जनता समाजवादी पार्टी 'जसपा'का अध्यक्ष उपेन्द्र यादव बालुवाटार पुगेका छन् ।

गठबन्धनमा आबद्ध दलहरूको बैठक दिउँसो ३ बजेका लागि बोलाइएको थियो । तर‚ पौने ५ भइसक्दा पनि बैठक सुरु हुन सकेको छैन । आजको बैठकमा गठबन्धन दलहरूबीच मन्त्रालयको भागबन्डा टुंगो लगाउने तयारी छ । 

सोमबारमात्र प्रधानमन्त्री पुष्पकमल दाहाल 'प्रचण्ड'ले नेपाली कांग्रेस‚ नेकपा 'एकीकृत समाजवादी' लगायत दलहरूसँगको गठबन्धन भत्काएर नयाँ गठबन्धन बनाएका छन् । जसमा एमाले‚ राष्ट्रिय स्वतन्त्र पार्टी, जसपा सहभागी छन् ।