मनकामना स्मार्ट लघुवित्तको २९ चैतमा साधारणसभा, के-के छन् एजेण्डा ?

१८ चैत, काठमाडौं । मनकामना स्मार्ट लघुवित्त संस्था लिमिटेडले लाभांस विनानै वार्षिक साधारणसभा बस्ने भएको छ। सभा चैत २९ गते होटल पौवा सिद्धार्थनगर–६, रुपन्देहीमा बस्ने भएको छ। 

लघुवित्तले गत वर्षको नाफाबाट शेयरधनीलाई लाभांश वितरण नगर्ने जनाएको छ जसकारण यस वर्ष शेयरधनीहरुको हात खाली रहनेछ।

साधारणसभा प्रयोजनका लागि कम्पनीले चैत १६ गते बुक क्लोज गरिसकेको छ। तसर्थ, चैत १५ गतेसम्म कायम रहेका शेयरधनीले मात्र सभामा सहभागिता जनाउन सन्नेछन्। यो संस्थालाई समता घरेलु लघुवित्तले प्राप्ति गर्ने तयारीमा छ। गत भदौमा यी दुवै संस्थाबीच प्राप्ति सम्बन्धी समझदारी भएको हो।