एसईई दिएर बसेका विपन्न परिवारका विद्यार्थीलाई निःशुल्क कम्प्युटर तालिम
नेपालबहस संवाददाता
चैत २५, २०८० आइतबार १३:५२:६
२५ चैत, कञ्चनपुर । माध्यमिक शिक्षा परीक्षा (एसईई) दिएर बसेका विपन्न परिवारका विद्यार्थीलाई कल्की फाउण्डेसनले निःशुल्क आधारभूत कम्प्युटर तालिम दिने व्यवस्था मिलाएको छ ।
शुक्लाफाँटा नगरपालिका क्षेत्रभित्रका गरिब तथा आर्थिक अवस्था कमजोर रहेका परिवारका विद्यार्थीलाई फाउण्डेसनले तालिम दिन लागेको हो । नगरपालिकाका १२ वटै वडाका ६० विद्यार्थीलाई निःशुल्क कम्प्युटर तालिम दिने गरी कार्य अगाडि बढाइएको फाउण्डेसनका सचिव महेशप्रसाद भट्टले बताए ।
“नगरपालिकाका सबै वडा कार्यालयमार्फत निःशुल्क कम्प्युटर कक्षामा सहभागी हुने विद्यार्थीले आवेदन दिन सक्ने गरी व्यवस्था गरेका छौँ”, उनले भने, “आवेदन सङ्कलनको कार्य सकिएपछि तालिमका लागि विद्यार्थीको छनोटको कार्य गर्छौँ ।”
कम्प्युटर शिक्षा वर्तमान समयमा अनिवार्य जस्तै भएकाले आर्थिक अवस्था कमजोर भएका विद्यार्थीको पहुँच पुर्याउन निःशुल्क तालिमको व्यवस्था मिलाइएको फाउण्डेसनका सदस्य विवेक ओझाले बताए । “हरेक क्षेत्रमा कम्प्युटर बिना काम छैन”, उनले भने, “विपन्न परिवारका बालबालिकालाई कम्प्युटरबारे साक्षर बनाउनका लागि आधारभूत तालिम दिइन लागेको छ ।”
विद्यार्थीको पायक पर्ने क्षेत्रमै कम्प्युटर तालिम दिने संस्थासँग सम्झौता गरी सिक्ने वातावरण तयार पारिने फाउण्डेशनका उपाध्यक्ष दीपा जोशीले बताए । “तालिममा नगरपालिका क्षेत्रका १२ वटै वडाका विपन्न परिवारका विद्यार्थीलाई समेटेका छौँ”, उनले भने, “आधारभूत कम्प्युटर तालिम पश्चात आवश्यकता आधारमा डिप्लोमा कोर्षका लागि पनि तालिम सञ्चालन गरी सेवा दिने योजना छ ।” तालिम सञ्चालनका लागि लाग्ने रु पाँच लाख बढी रकम फाउण्डेसनका संस्थागत सदस्यले व्यहोर्ने भएका छन् ।
तालिम सञ्चालनका लागि आवेदन दिने अन्तिम मिति वैशाख १२ गतेसम्मका लागि तोकिएको छ । निःशुल्क कम्प्युटर कक्षामा सहभागिताका लागि आवेदनसँगै वडा कार्यालयको सिफारिसपत्र र एसईई परीक्षाको प्रवेश पत्र अनिवार्य रुपमा विद्यार्थीले पेश गर्नुपर्ने छ । फाउण्डेशनले विगत तीन वर्षदेखि धार्मिक तथा सामाजिक क्षेत्रमा मानविय कार्य गर्दै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसर्लाहीका पाँच पालिकाका विद्यालयले अझै पाठ्यपुस्तक वितरण गरेनन्
बैशाख १५, २०८१ शनिबार
पूर्वाञ्चल विश्वविद्यालयः सात हजारभन्दा बढी विद्यार्थी दीक्षित
बैशाख १४, २०८१ शुक्रबार
देशभर कक्षा १२ को परीक्षा शान्तिपूर्ण रूपमा हुँदै
बैशाख १४, २०८१ शुक्रबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
पूर्वराजा ज्ञानेन्द्र सडकमा आउने मुहूर्त
बद्रीनरसिंह के.सी.
बैशाख १६, २०८१ आइतबार
एसपीको ड्राइभर कि घुमुवा ?
बैशाख १७, २०८१ सोमबार
राजनीतिक स्थायित्व नभएको देशमा लगानी सम्मेलनको खास अर्थ हुँदैनः कोइराला
बैशाख १७, २०८१ सोमबार
वीरगञ्जमा प्रहरीले गोली चलाएर भारतीय अपराधीलाई लियो नियन्त्रणमा
बैशाख १७, २०८१ सोमबार
चर्चित वन्यजन्तु तस्कर सम्पत्ति शुद्धिकरणमा दोषी ठहर
बैशाख १७, २०८१ सोमबार
इलाममा सुहाङको मत २१ हजार कट्यो, अग्रता कायमै
बैशाख १७, २०८१ सोमबार
सगरमाथाको चौथो शिविरसम्म बाटो खुल्यो
बैशाख १७, २०८१ सोमबार
गण्डकी सरकार गठनविरुद्धको रिट खारेज
बैशाख १७, २०८१ सोमबार
संविधान संशोधनको नेतृत्व कांग्रेसले लिनुपर्छः प्रमुख सचेतक लेखक
बैशाख १७, २०८१ सोमबार