कोशीमा कार्कीले नियमित र विपक्षीले विशेष अधिवेशन बोलाउन पठाए पत्र

२६ चैत, विराटनगर । कोशी प्रदेशको राजनीति गरमागरम हुन थालेको छ । सत्ता पक्ष र विपक्षले प्रदेश प्रमुखसमक्ष नियमित र विशेष अधिवेशन मागेर प्रदेश प्रमुखको कार्यालयमा पत्र पठाएका छन् । माओवामदीले सोमबार मुख्यमन्त्री केदार कार्कीलाई दिएको समर्थन फिर्ता लिएपछि उनले प्रदेशसभाको नियमित अधिवेशन आह्वानका लागि प्रदेश प्रमुख समक्ष पत्राचार गरेका छन् । 

मुख्यमन्त्रीले २०८१ जेठ ११ गते प्रदेशसभाको नियमित बैठक आह्वान गर्न प्रदेश प्रमुख परशुराम खापुंङ पत्र पठाएका हुन् । यस्तै नयाँ समीकरणमा रहेका एमाले र माओवादीलगायतका दलहरुले पनि विशेष अधिवेशन आह्वानका लागि आग्रह गरिएको पत्र प्रदेश प्रमुखलाई बुझाएका हुन् ।  कोशीमा एमाले र माओवादीले समर्थन फिर्ता लिएपछि कार्की नेतृत्वको सरकार अल्पमतमा परेको छ ।