कांग्रेस र एमालेका प्रमुख सचेतकसहित ५ जनाविरुद्ध सर्वोच्चमा मुद्दा दर्ता

२६ चैत, काठमाडौं । नेपाली कांग्रेसका प्रमुख सचेतक रमेश लेखक, नेकपा एमालेका प्रमुख सचेतक महेश बर्तौला, एमाल सांसद सूर्य थापा, कांग्रेस सांसद श्यामकुमार घिमिरे  र एकीकृत समाजवादीका सांसद अम्मरबहादुर थापाविरुद्ध सर्वोच्च अदालतमा मुद्दा परेको हो ।

उनीहरुविरुद्ध अदालतको अवहेलना गरेको आरोपमा मुद्दा परेको हो । निर्वाचन क्षेत्र विकास कार्यक्रम रोक्नुपर्ने भनी सर्वोच्च अदालतले गरेको आदेशको आलोचना गरेको अभियोगमा उनीहरूविरुद्ध निवेदन दर्ता भएको हो । उनीहरुमाथि सर्वोच्च अदालतको आदेशको विरोध गरेर अदालतको अपहेलना गरेको आरोप छ । 

सर्वोच्च अदालतका सूचना अधिकारी गोविन्दप्रसाद घिमिरेका अनुसार निवेदनमाथि प्रारम्भिक सुनुवाइपछि लिखित जवाफ पेश गर्न आदेश जारी भएको छ । मुद्दा सुनुवाइका लागि ५ वैशाख २०८१ मा पेसी तोकिएको छ ।