४० हजार ५८० जनाले परीक्षा दिएकोमा ६ हजार ३२१ जनाले मात्र पास गरे ईपीएस भाषा परीक्षा

२८ चैत, काठमाडौं । यस वर्ष भएको उत्पादनतर्फ पहिलो चरणको ईपीएस भाषा परीक्षामा ६ हजार ३२१ जना मात्र उत्तीर्ण भएका छन् । ईपीएस शाखाका अनुसार पहिलो चरणको परीक्षामा ४० हजार ५८० जना सहभागी भएका थिए । परीक्षा गत फागुन ७ गतेदेखि चैत २४ गतेसम्म भएको थियो । अब पहिलो चरणको परीक्षामा उत्तीर्ण भएका परीक्षार्थीहरूले सीप परीक्षणमा सहभागी हुनु पर्नेछ । 

उत्पादनमूलक क्षेत्रका लागि पहिलो चरणमा ४० हजार ५८० जनाले परीक्षा दिएका थिए । जसमा ६ हजार ३२१ जना मा पास भएका हुन् । पहिलो चरणको परीक्षामा पास भएकाहरूको हकमा २०८१ वैशाख ९ गतेदेखि १५ गतेसम्म दोस्रो चरणको परीक्षा हुनेछ ।  
 
दोस्रो चरणको स्किल टेस्ट र कम्पिटेन्सी टेस्टको परीक्षा नेपाल प्रशासनिक प्रशिक्षण प्रतिष्ठानमा हुने ईपीएस कोरिया शाखाले जनाएको छ । पहिलो चरणमा ४७ हजार ५१९ जनाको परीक्षा लिने भनिएको थियो । तर, ४० हजार ५८० जना मात्रै परीक्षामा सहभागी भएका थिए । अब दोस्रो चरणमा ७९ हजार ९३७ जनाको परीक्षा लिइनेछ । 

उक्त परीक्षा २०८१ को वैशाख ३१ गतेदेखि साउन १६ गतेसम्म चल्नेछ । तेस्रो चरणको परीक्षामा ३६ हजार १७९ जना परीक्षार्थी सहभागी हुनेछन् । ईपीएस मार्फत उत्पादनमूलक क्षेत्रमा काम गर्न कोरिया जान १ लाख ६३ हजार ६३५ जनाले आवेदन फारम भरेका छन् ।