नाउपाको अध्यक्ष रेशम कि रञ्जिता भन्नेबारे आज फैसला

९ वैशाख, काठमाडौं । सर्वोच्च अदालतमा आज नागरिक उन्मुक्ति पार्टीको अध्यक्ष विवादबारे फैसला हुँदैछ । न्यायाधीशद्वय आनन्दमोहन भट्टराई र विनोद शर्माको इजलासमा यो मुद्दामा सर्वोच्च अदालतमा आज सुनुवाइ हुँदैछ । 
 
निर्वाचन आयोगले नाउपाको अध्यक्षमा रेशमलाल चौधरीको नाम अद्यावधिक गर्न नमानेपछि चौधरीले सर्वोच्चमा रिट दायर गरेका थिए । पुस २७ मा कैलालीको टिकापुरमा भएको महाधिवेशनबाट चौधरी सर्वसम्मत अध्यक्ष चयन भएका थिए ।
 
निर्वाचन आयोगको निर्णयमा अन्तरिम आदेश हुने वा नहुने भन्नेबारे सर्वोच्चबाट निक्र्योल हुनेछ । चौधरीले निर्वाचन आयोग सहित ४ वटा निकायलाई विपक्षी कायम गरेर रिट दायर गरेका थिए । सवोच्चको फैसलापछि नाउपाको विवादले कुन मोड लिन्छ भन्ने पनि तया हुनेछ ।