नेकपा सचिवालय बैठक : संगठन विभागमा तीन जना थप

२९ असोज, काठमाडौं । सत्तारुढ दल नेपाल कम्युनिष्ट पार्टी ‘नेकपा’ले संगठन विभागमा ३ नेतालाई थपेको छ । नेकपाले संगठन विभागमा अष्टलक्ष्मी शाक्य, भानुभक्त ढकाल र हरि अधिकारीलाई थपेको हो ।

नेकपाको बुधबारको सचिवालय बैठकले उनीहरुलाई संगठन विभागमा राख्ने निर्णय गरेको प्रवक्ता नारायणकाजी श्रेष्ठले बैठकपछि जानकारी दिए। संगठनको विभागको प्रमुख वामदेव गौतम र उपप्रमुख जनार्दन शर्मा छन् ।

बैठकले उपनिर्वाचनको लागि समेत हरेक पदमा ३ र ३ जनाको नाम पठाउन मातहतको कमिटीलाई पत्राचार गर्ने निर्णय समेत गरेको छ ।

जनप्रतिनिधिको निधनको कारण मुलुकमा संघीय संसद प्रतिनिधिसभाको १, प्रदेशसभाको ३ र स्थानीय तहसहित ५१ पद रिक्त छ । रिक्त पद पूर्तिको लागि मंसिर १४ मा उपनिर्वाचन हुँदैछ ।