राजा महेन्द्रको स्मृति दिवस भव्य रूपमा सम्पन्न

१ पुस काठमाडौं । स्वर्गीय राजा महेन्द्र वीरविक्रम शाहको स्मृति दिवश काठमाडौमा भव्य रूपमा मनाईएको छ । जनमुखी प्रजातान्त्रिक पद्धति,औधोगिक क्रान्ति,राष्ट्रको आधुनिकीकरण,कृषि क्रान्तिको सुरुवात,विकासका लागि प्राथमिक रुपमा विशेष महत्त्व राख्ने सडक सञ्जाल लगाएतका विविध क्षेत्रमा उनले पुर्याएको योगदानको सम्मानमा कार्यक्रम गरिएको हो ।

शाही युवा शक्ति नेपालको आयोजनामा आयोजित कार्यक्रममा सहभागीले राष्ट्रिय झण्डासहित दरबार मार्गमा रहेको उनको शालिकमा पुष्पगुच्छासहित माल्यार्पण गरे ।

कार्यक्रममा सरिक भएकाहरुले स्वर्गीय राजा महेन्द्र शाहले ल्याएको क्रान्तिकारी भूमिसुधार, शैक्षिक विकास ,सडक विकास,भौतिक पुर्वाधारको विकास ,आर्थिक विकास,मौलिक धर्मसंस्कृति सम्पदाहरुको विकास ,भौगोलिक र क्षेत्रीय आधारमा राष्ट्रिय एकता र अखण्डताको सुरक्षालगाएतका सवालमा शाहले पुर्याएको योगदानको चर्चा गरे ।

साथै उनीहरूले पछिल्लो समय मुलुकको राजनीति प्रतिसोधका कारण उब्जिएका अप्ठ्यारा ,चुनौती र राष्ट्रिय अखण्डताका सवालमा यसको रक्षा गर्न पुनः राजसस्थासहित हिन्दुराष्ट्रको पुनर्स्थापना हुनुको विकल्प नभएकोमा जोड दिएका थिए ।