सभामुख सापकोटाबाट कांग्रेस सांसद ज्वारचनले लिइन् शपथ

४ साउन, काठमाडौं । नेपाली कांग्रेसकी सांसद सुवर्ण ज्वारचनले शपथ लिएकी छन् । गुल्मीकी सांसद ज्वारचनलाई आइतबार सभामुख अग्नि सापकोटाले शपथ खुवाएका हुन् ।

यसअघि सांसद ज्ञानकुमारी छन्त्यालको निधन भएपछि रिक्त स्थानमा कांग्रेसले ज्वारचनलाई सांसद बनाएको थियो । समानुपातिक सांसद छन्त्यालको गत असार १७ गते निधन भएको थियो ।

सामानुपातिक तर्फको कुनै सांसदको निधन भएमा सोही सामावेशी समूहअन्तर्गत पार्टीले निर्वाचन अयोगमा बुझाएको बन्दसूचीको पहिलो नम्बरमा रहेको व्यक्ति स्वतः सांसद बन्न पाउने व्यवस्था छ ।