तीन वर्षमा पाँचवटा नियुक्ति पाउने भाग्यमानी डा. खतिवडा
नेपालबहस संवाददाता
असोज १५, २०७७ बिहिबार १८:५७:५
१५ असोज, काठमाडौं । डा. युवराज खतिवडा नेपाली राजनीतिका यस्ता पात्र देखिए, जो सधैं सत्ताको भ¥याङ चढ्न अब्बल मानिए । केपी ओली नेतृत्वको वर्तमान सरकारले मात्रै डा. खतिवडालाई चारवटा पाँचपटक महत्वपूर्ण जिम्मेवारी दिएको छ ।
उनी जत्तिको भाग्यमानी सायदै कोही होला । आजै मात्र डा. खतिवडालाई अमेरिकाका लागि नेपाली राजदूतमा सिफारिश गरिएको छ । ०७४ फागुन दोस्रो साता ओली सरकारले उनलाई राष्ट्रियसभा सदस्यका लागि सिफारिश ग¥यो । लगत्तै उनी अर्थमन्त्रीमा नियुक्त भए । तर ०७६ साल फागुनमा डा. खतिवडा राष्ट्रियसभाको पहिलो चरणबाटै बाहिरिए ।
हरेक दुई दुई वर्षमा एक तिहाई सदस्यको पदावधि सकिएर एकल संक्रमणीय निर्वाचन प्रणाली अन्तर्गत पदपूर्ति गरिने राष्ट्रियसभामा पहिलो कार्यकालका लागि गोला प्रथा गरिन्छ । सोही गोला प्रणालीमा डा. खतिवडा पहिलो चरणबाटै बाहिरिनेमा परे ।
त्यसपछि पनि ओलीको साथ र समर्थन उस्तै रह्यो । डा. खतिवडालाई नै फेरि पनि राष्ट्रियसभामा दोह¥याउन ओलीले भरमग्दूर प्रयास गरे । तर नेकपाका शीर्ष नेताहरुले त्यो स्वीकार गरेनन् । उपाध्यक्ष वामदेव गौतमलाई रिक्त राष्ट्रियसभा सदस्यमा सिफारिश गर्न सचिवालय बैठकले ओलीलाई निर्देशन दियो । तर ओलीले टेरेनन् ।
बरु उल्टै डा. खतिवडालाई नै अर्थमन्त्रीमा नियुक्त गरिदिए । संघीय संसद्को सदस्य नरहेको व्यक्तिलाई समेत ६ महिनाका लागि मन्त्री बनाउन सकिने प्रावधान अन्तर्गत डा. खतिवडाको मन्त्री पद कायमै रह्यो । ६ महिना पूरा भएपछि डा. खतिवडाका लागि राष्ट्रियसभामा लैजाने वातावरण बन्न सकेन । त्यसैले उनले अर्थमन्त्री पदबाट राजीनामा दिए ।
नेकपा भित्रको आन्तरिक रडाको मच्चिएका बेला ओली कमजोर देखिए । त्यसैले उनले बाध्य भएर गौतमलाई रिक्त राष्ट्रियसभामा सिफारिश गरे । तर डा. खतिवडाप्रतिको अनुराग भने सकिएन । मन्त्री पदबाट हटेको पाँचौ दिन उनी प्रधानमन्त्रीको विशेष आर्थिक सल्लाहकार नियुक्त भए , त्यो पनि मन्त्री सरह ।
उनी सल्लाहकार भएपनि छायाँ अर्थमन्त्रीको भूमिकामा रहे । अर्थमन्त्रीकै हैसियत नभएपनि व्यवहार भने उस्तै थियो । अर्थमन्त्रालयका सचिव र पदाधिकारीहरु सबै फाइल डा. खतिवडाबाट अनुमोदन गराएर मात्रै प्रधानमन्त्री समक्ष पेश गर्थे । तर राजनीतिक परिवेश भने ओली अनुकुल भएन । अर्थमन्त्रीमा गौतम वा अन्य कसैलाई ल्याउनै पर्ने वाध्यता ओली सामु आइपरेको छ ।
त्यसैले डा. खतिवडालाई पाँचौ नियुक्तिका रुपमा अमेरिकाका लागि राजदूत सिफारिश गरे । केवल तीन वर्षको अवधिमा यत्ति धेरै नियुक्ति पाउने कीर्तिमान पनि डा. खतिवडाले नै बनाएका होलान् ।
आखिर डा. खतिवडाप्रतिको मोह यत्ति साह्रो किन होला ? धेरैले प्रश्न उठाएका छन् । उनले कुनैपनि ठाउँमा देश र जनताको भलो गर्न सकेनन् । वतर ओलीका लागि उनी मात्रै सर्वेसर्वा कसरी भए ? प्रश्न गम्भिर छ । आजै बसेको मन्त्रिपरिषद बैठकले मुख्यसचिव लोकदर्शन रेग्मीको राजीनामा स्वीकृत गरी परराष्ट्र मन्त्रालयका सचिव शंकरदास बैरागीलाई मुख्यसचिवमा नियुक्त गरेको छ ।
परराष्ट्र मन्त्रालयबाट मुख्यसचिव हुने पहिलो व्यक्ति पनि बैरागी भएका छन् । कात्तिक ३ गतेसम्मका लागि कार्यकाल रहेका रेग्मीलाई आजैको मन्त्रिपरिषद बैठकले वेलायतका लागि राजदूत सिफारिश गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
संसद अधिवेशन अघि कांग्रेसका दुई बैठक, कस्तो आउँछ निर्णय ?
बैशाख २६, २०८१ बुधबार
३ अर्बको ऋणपत्र निष्कासन गर्दै नबिल बैंक, बिक्री प्रबन्धकमा नेपाल एसबीआई मर्चेण्ट बैंकिङ
बैशाख २६, २०८१ बुधबार
वीरगञ्जमा गर्मी बढेसँगै बिहानी कक्षा सञ्चालन
बैशाख २६, २०८१ बुधबार
युक्रेनका थप दुई गाउँ कब्जा गरेको रुसको भनाइ
बैशाख २६, २०८१ बुधबार
संसदीय समिति गठन नगरे बजेट अधिवेशन अवरुद्ध गर्ने कांग्रेसको अडान
बैशाख २६, २०८१ बुधबार
घरजग्गाबाहेक चल सम्पत्ति धितो राखेर बैंकबाट ऋण लिन पाइने
बैशाख २६, २०८१ बुधबार
युके पठाइदिन्छु भन्दै ठगी गर्ने कार्की पक्राउ
बैशाख २६, २०८१ बुधबार