लागुऔषध खैरो हिरोईनसहित १७ बर्षिय बालक पक्राउ

७ चैत, पर्सा । पर्सा प्रहरीले लागुऔषध खैरो हिरोईनसहित १७ बर्षिय बालकलाई पक्राउ गरेको छ । सूचना परिचालन र प्रहरी कारवाहीको सिलसिलामा यहि चैत ५ गते करिव साँझ ८ बजेतिर जिल्लाको बीरगञ्ज महानगरपालिका वडा नं १४ पावर हाउस चोकबाट प्रहरीले पक्राउ गरेको
हो ।

बालकलाई लागुऔषध नियन्त्रण ब्युरो बीरगञ्ज पर्साको प्रहरी टोलीले प्राप्त सूचना अनुसार चेकजाँच गर्ने क्रममा बालकले बोकेको ६ वटा सेतो प्लाष्टिकको पोका भित्र लुकाइछिपाई ल्याएको लागु औषध खैरो हिरोईन ३० ग्राम लागुऔषध बरामद गरेको हो ।

बालकलाई आजै नियन्त्रणमा लिई आजै पर्सा जिल्ला अदालतबाट दिन ५ म्याद थप गरी अनुसन्धान कार्य अगाडि बढाइएको प्रहरीले जनाएको छ ।