निर्वाचन आयोग लाचारः नेपाल

२९ चैत, वीरगञ्ज । नेकपा एमालेमा कारबाहीमा परेका वरिष्ठ नेता माधवकुमार नेपालले मुलुकमा राजनीतिक अन्योल र अस्थिरताको मुख्य कारक निर्वाचन आयोग रहेको बताएका छन् । पार्टी संगठनमा बेग्लै धार बनाउँदै गएका नेता नेपालले आज बीरगञ्जस्थित सञ्चारकर्मीहरुसँगको भेटमा यस्तो धारणा राखेका हुन् ।

पार्टी अध्यक्षसमेत रहेका प्रधानमन्त्री केपी ओलीले विधि र प्रणाली मिचेर गरेका काम र निर्णयको विरुद्ध निर्वाचन आयोग गएको प्रसंग उल्लेख गर्दै नेता नेपालले भने–तर आयोग मौन बसिदिएकोछ । त्यसैले समस्याले झाँग्गिने मौका पायो । ओलीले पार्टी भित्र भाँडभैलो गरेका छन्,त्यसका विरुद्ध ओयोगमा उजुरी गरिएको छ, तर आयोग कानमा तेल हालेर बसेको छ – उनले भने ।

यस्तो दुर्भाग्यपूर्ण अवस्था छ,यो भन्दा ठूलो बिडम्बना के होला ? फागुन २३ गतेको सर्वाेच्च अदालतको फैसलाले ब्यूँतिएको एमाले जेठ २ , २०७५ अगावैको स्थितिमा जानुपर्नेमा ओलीले फागुन २८ गते गुटको भेला राखेर गरेको निर्णय गलत छ भन्ने हाम्रो जिकीर हो भन्दै नेपालले भने– ओलीको उक्त निर्णयका विरुद्ध आयोगमा उजुरी गर्दा कुनै सुनुवाई नै गर्दैन । त्यसैले वाध्य भएर समानान्तर कमिटी गठन गर्नुपरेको हो –उनको स्पष्टीकरण छ ।