गृहमन्त्री खाँडको सरुवा-बढुवामा हस्तक्षेप, ईन्सपेक्टरको काजका लागि मरिहत्ते
नेपालबहस संवाददाता
साउन १९, २०७८ मंगलबार १७:६:४७
१९ साउन, काठमाडौं । सरुवा-बढुवामा कुनै हस्तक्षेप नगर्ने बताएका गृहमन्त्री बालकृष्ण खाँड र उनका सहयोगीहरुले नेपाल प्रहरी र सशस्त्र प्रहरीमा पूरै हस्तक्षेप गर्न थालेका छन् ।
नेपाल प्रहरीको सई बढुवामा विवादित बनेका गृहमन्त्री खाँडले सशस्त्र प्रहरीमा पनि उत्तिकै हस्तक्षेप शुरु गरेका छन् । डीएसपीबाट एसपी बढुवामा सात जनालाई वरिष्ठता मिचेर बढुवा गर्न दवाव दिएका गृहमन्त्रीले सोमबार मात्रै एक इन्स्पेक्टरको काज सरुवाका लागि दवाव मात्रै दिएनन काज निकाल्न लगाईछाडे ।
सशस्त्र प्रहरी बलमा हत्तपत्त काज सरुवा हुँदैन । तर, गृहमन्त्रीले नै निर्देशन दिएपछि सशस्त्र प्रहरी मूख्यालयले एकल काज सरुवा निकालिदियो । सोमबार मात्रै गृहमन्त्री बालकृष्ण खाँणको निर्देशनमा एकजना इन्सपेक्टरको एकल काज सरुवा भएको छ । खाँणको निर्देशनमा इन्सपेक्टर कृष्ण अर्याललाई रुपन्देहीको डन्डा बीओपीमा काज सरुवा गरिएको हो । भैरहवा गृहमन्त्री खाँडको गृहजिल्ला पनि हो ।
सामान्यतया बीओपीका इन्चार्जहरुको एकैपटक सरुवा हुने गरेको छ । यो वर्ष इन्सपेक्टरको सरुवाको तयारी भइरहेको छ । तर, नियमित सरुवा समेत नकुरी इन्सपेक्टर अर्याललाई सो बीओपीमा पठाइएको छ । स्रोतका अनुसार सो बीओपीमा जान धेरैले चाहने भएकाले यसरी गृहमन्त्रीको ठाडो आदेश लगाएर इन्सपेक्टर अर्याल त्यहाँ गएका हुन् । अन्य बीओपीमा समेत सरुवाका लागि गृहमन्त्री निकट व्यक्तिहरुले पैसा उठाइरहेको स्रोत बताउँछ । ‘राम्रो बीओपी जाने हो पाँच लाख जम्मा गर्नु’, गृहमन्त्री निकट रहेका व्यक्तिले भनिरहेको स्रोतले जनाएको छ ।
‘राम्रो काम गर्न त यसरी पक्कै पावर लगाएर जान लागेका होइन होला,’ गृहका एक अधिकारी भन्छन्,‘कमाउनकै लागि यसरी जाने हो, अनि सीमा सुरक्षा के बलियो हुन्थ्यो ?’ सीमा सुरक्षा जस्तो महत्वपूर्ण निकायमा उनी गृहमन्त्रीको बलमा पुग्नुलाई त्यहाँ सुरक्षाका नाममा तस्करीलाई बढुवा दिनु रहेको अनुमान गरिएको छ । डण्डा बीओपी भैरहवाको मुख्य नाका हो ।
पहिले यहाँ डीएसपीको कमाण्डमा राजश्व नियन्त्रण गर्ने उद्देश्यले सशस्त्र प्रहरीको गुल्म बस्ने गर्दथ्यो । दायाँबायाँ नगर्दा पनि यस नाकाबाट मासिक १०/१५ लाख अतिरिक्त कमाई हुने बीओपीका रुपमा सशस्त्र प्रहरीहरु यसलाई लिने गर्छन् । ‘सामान्यतया बीओपीका लागि बाहिनीहरुले नै मान्छे तयारी गरेर मूख्यालयले काज सरुवा गर्छ । केही केही व्यक्ति बाहेक मूख्यालयले हस्तक्षेप नगर्ने भनिएपनि अहिलेचाँहि मन्त्रीले नै हस्तक्षेप शुरु गरेका हुन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
संसद अधिवेशन अघि कांग्रेसका दुई बैठक, कस्तो आउँछ निर्णय ?
बैशाख २६, २०८१ बुधबार
३ अर्बको ऋणपत्र निष्कासन गर्दै नबिल बैंक, बिक्री प्रबन्धकमा नेपाल एसबीआई मर्चेण्ट बैंकिङ
बैशाख २६, २०८१ बुधबार
वीरगञ्जमा गर्मी बढेसँगै बिहानी कक्षा सञ्चालन
बैशाख २६, २०८१ बुधबार
युक्रेनका थप दुई गाउँ कब्जा गरेको रुसको भनाइ
बैशाख २६, २०८१ बुधबार
संसदीय समिति गठन नगरे बजेट अधिवेशन अवरुद्ध गर्ने कांग्रेसको अडान
बैशाख २६, २०८१ बुधबार
घरजग्गाबाहेक चल सम्पत्ति धितो राखेर बैंकबाट ऋण लिन पाइने
बैशाख २६, २०८१ बुधबार
युके पठाइदिन्छु भन्दै ठगी गर्ने कार्की पक्राउ
बैशाख २६, २०८१ बुधबार