देउवाको फण्डा:- निधि पनि सभापतिको उम्मेदवार !
![कुसुम सेञ्चुरी](
https://nepalbahas.prixacdn.net/media/albums/kusum_senchury_W1qiWWR643.jpg
)
कुसुम सेञ्चुरी
साउन ३२, २०७७ आइतबार २१:२३:१५
![](https://nepalbahas.prixacdn.net/media/albums/congerss-deuba-nidhi_i2HxQOLTI3.jpg)
३२ साउन, काठमाडौं । नेपाली कांग्रेसको आगामी चौधौं महाधिवेशनमा सभापतिका आकाँक्षी धेरै भएका छन् । संस्थापन इतर पक्षबाट झण्डै आधा दर्जन नेताहरुले सभापतिमा दावा गरेका छन् । तर संस्थापन पक्षबाट भने वर्तमान सभापति शेरबहादुर देउवा एक्ला देखिन्थे । तर दुई सातायता उनकै पक्षमा रहेका उपसभापति बिमलेन्द्र निधिले पनि सभापति पदमा रुची मात्र देखाएका छैनन्, सर्वसम्मत उम्मेदवार हुन पहलसमेत गर्दैछन् ।
निधिले दुई साता बीच शीर्ष नेताहरुसँग भेटेरै आफ्नो इच्छा व्यक्त गरिसकेका छन् । यसक्रममा उनले महामन्त्री डा. शशांक कोइराला, पूर्व महामन्त्रीहरु प्रकाशमान सिंह र कृष्णप्रसाद सिटौलासँग भेटेर सभापतिमा सघाउन प्रस्ताव गरे । त्यतिखेरसम्म देउवाले निधिको दौडधूपलाई खासै वास्ता गरेनन् । तर जब हिजो साँझ देउवा निवास पुगेर निधिले आफूलाई सर्वसम्मत उम्मेदवार बनाउन पहल गरिदिन भनेपछि चाहिं अक्क न वक्क परेका छन् । देउवाले १३ औं अधिवेशनमै आफूलाई अर्काे महाधिवेशनमा सभापतिका लागि सहयोग गर्ने वचन दिएको समेत उनले स्मरण गराए । जुन देउवाका लागि साँच्चै अप्रत्यासित रह्यो ।
असन्तुष्ट पक्षबाट धेरै जनाले दावी गरेकाले देउवा आफू संस्थापन पक्षको एकल उम्मेदवार हुने अवस्थामा जित सुनिश्चित ठानेका छन् । पहिलादेखि आफूसँग भएका नेता कार्यकर्ता एक ढिक्का रहेको र विजय गच्छदार अनि सुनिल थापाले समेत सघाउने विश्वासमा देउवाले दोस्रो कार्यकालको तयारी अगाडि बढाइरहेका छन् ।
हिजो आफ्नै दाहिना हातका रुपमा रहेका निधिले सभापतिमा दावी गरेपछि भने देउवा अलि हच्केका छन् । निधिलाई १५ औं अधिवेशनमा मात्रै सघाउने उनले वचन दिएका छन् । तर निधि भने अब त्यतिञ्जेल प्रतिक्षा नगर्ने पक्षमा देखिएका छन् । आफु पनि ७० बर्षको उमेर पुगेर नेटो काटीसकेको उनको भनाई छ ।
निधि निकट स्रोत भन्छ– यही अवस्थामा जाने हो भने यसपाला देउवाको पराजय निश्चित छ । आम कार्यकर्ता र जनतामा देउवाको छवि ध्वस्त भइसकेको छ । अब पैसा र पदको लालचमा देउवालाई सहयोग गर्ने अवस्था देखिंदैन । त्यसैले देउवाले आफ्नो विकल्पमा सोच्नै पर्ने बाध्यता रहेको पनि निधिको बुझाई छ । देउवाको पछाडि लागेर मात्रै बस्ने हो भने आफ्नो छवि समेत बिग्रने उनको निश्कर्ष हो । त्यसैले अब आफैं सभापतिको उम्मेदवार बन्ने तिर सोच्नै पर्छ भन्दै निधि निकटहरुले यस्तो सल्लाह दिएका हुन् ।
कांग्रेसको आधारभूमि नै मधेश हो भन्दै यसपाला मधेसी मूलको नेतालाई सभापति बनाउने अवसरसमेत रहेको निधिका सहयोगीको बुझाई रहेको छ । मधेसको प्रतिनिधित्व गर्ने व्यक्ति कांग्रेसको सभापति बन्न सक्यो भने आगामी निर्वाचनमा त्यसको प्रभाव सकारात्मक पर्छ भन्दै उनीहरुले निधि नै अबको उपयुक्त उम्मेदवार रहेको बताएका छन् । सहयोगीहरुको तर्कसँग निधि पनि सहमत देखिए ।
१५ औं महाधिवेशनको बेलासम्म देउवा नै सत्तामा रहने कुराको प्रत्याभूति नहुने भएकाले अहिले नै उम्मेदवार बन्ने उनको चाहना देखिन्छ । देउवालाई भेटेर आएको लगत्तै हिजो साँझै निधिले वरिष्ठ नेता रामचन्द्र पौडेललाई फोन गरेर सभापतिमा सघाउन आग्रह गरे । निधिजी भनेको मधेशी मूलको सबैभन्दा सिनियर र सक्षम नेता भएकाले सबैले सभापति बनाउन सघाउनुपर्ने तर्क निकटवर्तीहरुको रहेको छ ।
तर संस्थापन इतर पक्ष भने यो सबै देउवाकै डिजाइन मात्रै रहेको बुझाई रहेको छ । पौडेल पक्षका एक केन्द्रीय सदस्यले भने– हाम्रो ध्यान मोड्न मात्रै यो फण्डा झिकिएको हुन सक्छ । सभापति देउवासँग सल्लाह नै नगरी निधिजीले यस्तो हल्ला गर्नुभएको होला जस्तो लाग्दैन – उनले भने ।
उ
ता, संस्थापन पक्ष भने निधिको दौडधूप साँच्चै सिरियस रहेको बुझिरहेका छन् । आज बिहान देउवा निवासमा भेला भएका प्रकाशरण महत, बालकृष्ण खाँड, ज्ञानेन्द्रबहादुर कार्की लगायत नेताहरुले अहिलेको बेला निधीले अनावश्यक ढिपी गरेको भन्दै उनलाई सम्झाई बुझाई गरेर जानुपर्ने सुझाव दिए । देउवा निकट एक नेता भन्छन्– निधिजी सभापतिमा उठ्ने तहसम्मको अवस्थामा पुग्नु भएको छैन, बरु उपसभापतिमा आफ्नो स्थान पक्का गराउन मात्रै यस्तो गरेको हुन सक्छ ।
आज बिहान भएको छलफलमा देउवा निकट नेताहरुले निधिको मागलाई समयमै संबोधन गरेर एकढिक्का भएरै महाधिवेशनको सामना गर्नुपर्ने सबैको मत रह्यो । त्यसका लागि निधिजीलाई आगामी निर्वाचनपछि प्रधानमन्त्रीको उम्मेदवारका रुपमा प्रस्तुत गरेर पनि जान सकिने विषयमासमेत छलफल भएको उनले बताए । निधिजीलाई मधेशी मूलको पहिलो प्रधानमन्त्री बनाइने भनेर प्रस्ताव गर्न सकिने पनि उनले बताए । तर सभापतिमा भने देउवा नै लड्नुपर्ने उनीहरुको तर्क थियो ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपटेलिकमको इन्टरनेशनल ब्यान्डविथ खरिदमा मुद्दा चलाउने अख्तियारको तयारी
जेठ ३१, २०८१ बिहिबार
बालमन्दिर प्रकरणः विशाल ग्रुपसँगको सेटिङमा गृह मन्त्रालय अनुसन्धान तुहाउँदै
जेठ ३०, २०८१ बुधबार
टेलिकममा अख्तियारको आँखाः दुई प्रबन्ध निर्देशकलाई बयान
जेठ ३०, २०८१ बुधबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
टीम इन्डियाले सुपर-८ खेलमा कुन कुन टिमसँग भिड्दैछ ?
असार ३, २०८१ सोमबार
मनसुन देशभर फैलन अझै साता दिन लाग्ने !
असार ३, २०८१ सोमबार
सशस्त्र प्रहरीमा दुई डीआईजीलाई स्पष्टीकरण !
असार ३, २०८१ सोमबार
यसवर्षको मनसुनबाट कोशीमा एक लाखभन्दा बढी घरधुरी प्रभावित हुने आकलन
असार ३, २०८१ सोमबार
काठमाडौंमा ‘कनेक्टिङ कर्णाली’ सम्पन्न
असार ३, २०८१ सोमबार
लहानका बस्तीमा डकैतीको अफवाह नफैलाउन र भ्रममा नपर्न प्रहरीको आग्रह
असार ३, २०८१ सोमबार
राष्ट्रपति पौडेल र जर्मनीका समकक्षी स्टाइनमायरबीच भेटवार्ता
असार ३, २०८१ सोमबार