देउवा र पौडेलले लोभ नदेखाए कांग्रेसले राम्रो नतिजा ल्याउने विश्वास
![कुसुम सेञ्चुरी](
https://nepalbahas.prixacdn.net/media/albums/kusum_senchury_W1qiWWR643.jpg
)
कुसुम सेञ्चुरी
भदौ १, २०७७ सोमबार १९:१४:९
![](https://nepalbahas.prixacdn.net/media/albums/sher-bahdur-deuba-ramchadra-paudel-bahas-696x425-1_mA4ntMvRJ8.jpg)
१ भदौ, काठमाडौं । नेपाली कांग्रेसका सभापति शेरबहादुर देउवा दोस्रो कार्यकालका लागि फेरि सभापतिमा दोहरिने कसरतमा जुटिरहँदा उनकै सबैभन्दा विश्वासिला उपसभापति बिमलेन्द्र निधि विकल्पमा उभिएका छन् । यसले पार्टीको आन्तरिक संरचनामा कम्पन आएको छ । साँच्चै नै निधि देउवाको विकल्पमा उभिएकै हुन् त ? धेरैको जिज्ञाशा यही प्रश्नमा घुमेको देखिन्छ ।
राजनीतिक विश्लेषक पुरञ्जन आचार्य भन्छन्– बिमलेन्द्र निधिले यदि साँच्चै आफूलाई सभापतिको उम्मेदवारका रुपमा प्रस्तुत गरेको हो भने त्यसले देउवामाथि ठूलो मनोवैज्ञानिक प्रभाव पर्छ । संस्थापन पक्षबाट देउवाको विकल्प पनि छ है भन्ने सन्देश प्रवाहित गरेर नेपाली कांग्रेसलाई उर्जाशील बनाउन सकिने अवस्था छ ।
संस्थापन पक्ष भनेको केवल देउवाको बपौती होइन हैं भन्ने सन्देश संप्रेषण गर्नसमेत निधिको प्रस्तावले काम गरेको उनको बुझाई छ । साथै, नेपाली कांग्रेसमा अब ७० वर्ष नाघेपछि रिटायर्डमेण्ट लिनुपर्छ भन्ने सन्देश दिन पनि निधिको प्रस्तावले राम्रो काम गर्ने विश्लेषक आचार्यले बताउछन् । सभापति देउवालाई पार्टीको अभिभावक भएर बस्न दवाव दिन सक्ने हैसियत बिमलेन्द्र निधिहरुकै बढी रहेकाले पनि यो प्रस्ताव उपयोगी हुने उनले स्पष्ट गरे ।
खासगरी निधिले अब नेपाली कांग्रेसमा सर्वसम्मत सभापति बनाउने वातावरण बनाउन यस्तो प्रस्ताव गरेका छन् । उनले हिजो एक कार्यक्रममा आफैंले सभापति पाउनुपर्ने भन्दा पनि सर्वसम्मत बनाइनुपर्ने कुरामै जोड दिए । तर यसका लागि देउवा र वरिष्ठ नेता रामचन्द्र पौडेल भने अब अभिभावकीय भूमिकामा रहनुपर्ने उनको शर्त छ ।
नेपाली कांग्रेसले अब देशको नेतृत्व नगर्ने हो भने देशको हालत कहालीलाग्दो अवस्थामा पुग्ने भएकाले निधिकै पुस्ताले त्यसको पहल थाल्नुपर्ने धारणा अर्का विश्लेषक तथा पत्रकार पुरुषोत्तम दाहालको छ । उनी भन्छन्– चौधौं महाधिवेशनमा निधि वा प्रकाशमान सिंह वा डा. शशाँक कोइरालाको पुस्ताले एकपटक पार्टीको नेतृत्व गर्नुपर्छ , अनि मात्रै कांग्रेसले नयाँ दिशा र गति लिने छ ।
यसका लागि निधि पनि एउटा सशक्त पात्र हुनसक्ने उनको ठम्याई छ । तर सर्वसम्मतिले नेतृत्व चयन भयो भने नेपाली कांग्रेसले नयाँ उँचाई लिने छ । उपसभापति भैसकेका निधि लामो समयदेखि नेपाली कांग्रेसको नेतृत्वमा रहेकाले यसपाला सभापतिमा उनको दावी स्वभाविक हुने पत्रकार दाहालको बुझाई छ ।
तर नेपाली कांग्रेसकै युवा नेता बद्री पाण्डे भने दोस्रो पुस्ताका नेताबीच स्वस्थ प्रतिस्पर्धा गराएर सभापति चयन गरियो भने त्यसले कार्यकर्तालाई उत्साही बनाउने धारणा राख्छन् । १५ औंं महाधिवेशन हुने बेलामा त अहिलेका युवापुस्ताले नै नेतृत्व दावी गर्ने अवस्थामा आइपुग्ने भएकाले अहिले नै दोस्रो पुस्ताले सेतुका रुपमा नेतृत्व गर्नुपर्ने उनको धारणा छ । प्रजातान्त्रिक पार्टीमा प्रतिस्पर्धा हुनुलाई गलत भन्न नमिल्ने तर्क गर्दै उनी भन्छन्– दोस्रो पुस्ताका नेताहरुबीच स्वस्थ्य र मित्रवत व्यवहारका साथ प्रतिस्पर्धा होस्, त्यसैले सबैलाई समेटेर पार्टी सञ्चालन ग¥यो भने भावी पुस्ताका लागि समेत पाठ हुने छ ।
तर यसका लागि बुढा नेताहरुलाई अभिभावक बनाएर राख्नुपर्छ । सभापति देउवाले पटक पटक अवसर पाएको तर त्यसलाई शक्तिमा रुपान्तरण गर्न नसक्दा नै कांग्रेसको बेहाल भएको उनको भनाई छ । चारपटक प्रधानमन्त्री र झण्डै ६ वर्ष पार्टी सभापति भइसकेका देउवाले अब कांग्रेसलाई नयाँ उँचाईमा पु¥याउने कुनै सम्भावना देखिंदैन । त्यसैगरी अर्का नेता पौडेललाई पनि अब अभिभावककै रुपमा मात्र पार्टीले उपयोग गर्नसक्नुपर्ने उनको धारणा छ । वरिष्ठ नेता पौडेलले कार्यकारी प्रमुखका रुपमा पार्टी र सरकार चलाउने मौका नपाएकाले उनको क्षमताको परीक्षण हुन नपाएको भन्दै तर समग्र पार्टीको भविष्यका लागि त्याग गर्न उनले सुझाव दिए ।
कांग्रेस भित्रकै युवा नेताहरु अहिले पार्टी नेतृत्व गर्ने भन्दा दोस्रो पुस्तालाई एक कार्यकाल मौका दिने पक्षमा देखिएका छन् । त्यसका लागि अहिले चर्चामा रहेका दोस्रो पुस्ताका नेताहरु डा. शशाँक, डा. शेखर कोइराला, प्रकाशमान सिंह, बिमलेन्द्र निधिहरु मध्येबाटै एकजनाले कांग्रेसको सारथी बन्नुपर्ने युवा पुस्ताको सोच देखिएको छ ।
यस्तो वातावरण बनाउन सक्दा आगामी निर्वाचनमा कांग्रेसले राम्रो नतिजा ल्याउन सक्ने ठम्याई विश्लेषक आचार्यको रहेको छ । दोस्रो पुस्ताले पार्टी हाँक्ने र तेस्रो पुस्तालाई परिचालन गर्न सक्ने हो भने अबको निर्वाचनमा कांग्रेसलाई हराउने ताकत कम्युनिष्टमा नरहने उनको भनाई छ । सत्तारुढ नेपाल कम्युनिष्ट पार्टी आफैंमा चिरा परिसकेको र जनतामा व्यापक निराशा देखिएकाले पनि कांग्रेसको नेतृत्व गर्ने सही मानिस भयो भने भोट एकोहोरिने अवस्था रहेको छ । तर यसका लागि देउवा र पौडेलले भने त्याग गर्न सक्नैपर्छ– उनको भनाई छ ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपटेलिकमको इन्टरनेशनल ब्यान्डविथ खरिदमा मुद्दा चलाउने अख्तियारको तयारी
जेठ ३१, २०८१ बिहिबार
बालमन्दिर प्रकरणः विशाल ग्रुपसँगको सेटिङमा गृह मन्त्रालय अनुसन्धान तुहाउँदै
जेठ ३०, २०८१ बुधबार
टेलिकममा अख्तियारको आँखाः दुई प्रबन्ध निर्देशकलाई बयान
जेठ ३०, २०८१ बुधबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
टीम इन्डियाले सुपर-८ खेलमा कुन कुन टिमसँग भिड्दैछ ?
असार ३, २०८१ सोमबार
मनसुन देशभर फैलन अझै साता दिन लाग्ने !
असार ३, २०८१ सोमबार
सशस्त्र प्रहरीमा दुई डीआईजीलाई स्पष्टीकरण !
असार ३, २०८१ सोमबार
यसवर्षको मनसुनबाट कोशीमा एक लाखभन्दा बढी घरधुरी प्रभावित हुने आकलन
असार ३, २०८१ सोमबार
काठमाडौंमा ‘कनेक्टिङ कर्णाली’ सम्पन्न
असार ३, २०८१ सोमबार
लहानका बस्तीमा डकैतीको अफवाह नफैलाउन र भ्रममा नपर्न प्रहरीको आग्रह
असार ३, २०८१ सोमबार
राष्ट्रपति पौडेल र जर्मनीका समकक्षी स्टाइनमायरबीच भेटवार्ता
असार ३, २०८१ सोमबार