समानुपातिकतर्फ प्रचण्ड र रबिलाई बराबर सिट !

१९ मंसिर, काठमाडौं । आमनिर्वाचन २०७९ मा प्रतिनिधिसभाको समानुपातिकतर्फ नेकपा (माओवादी केन्द्र) र सबैभन्दा कान्छो दल राष्ट्रिय स्वतन्त्र पार्टी (रास्वपा)लाई बराबर सिट प्राप्त हुने भएको छ ।

सोमबार दिउँसोसम्म निर्वाचन आयोगको समानुपातिकतर्फको पछिल्लो तथ्यांकअनुसार उक्त दुई दलले समान सिट पाउने निश्तिप्रायः भएको हो ।

माओवादी केन्द्रले समानुपातिकतर्फ ११ लाख ६२ हजार २२९ मत पाएको छ । रास्वपाले ११ लाख २४ हजार ५५४ मत पाएको छ । दुई पार्टीबीच केही हजार मतको अन्तर भएपनि मत परिणाम विभाजक सूत्रअनुसार दुवै पार्टीले समान १४/१४ सिट पाउने भएका हुन् ।

माओवादी केन्द्र सशस्त्र क्रान्तिबाट संसदीय व्यवस्थामा प्रवेश भएकाे राजनीति दल हाे । याे दलले प्रवेशताका २०६४ मा भएकाे संविधानसभाकाे निर्वाचनमा पहिलाे दल बनेकाे थियाे । तर पन्ध्र वर्षमा खुम्चिएर निकै सानाे बनेकाे छ ।

रबि लामिछाने नेतृत्वकाे दल भने यसै वर्ष गठन गरी निर्वाचन अायाेगमा दर्ता भएकाे दल हाे । उसले सुरूवातीमै संसदीय व्यवस्थामा राम्राे स्थान बनाएकाे छ

भयस्तै उपेन्द्र यादव नेतृत्वको जनता समाजवादी पार्टी र सिके राउत नेतृत्वको जनमत पार्टीबीच झण्डै २६ हजारको मत अन्तर छ। तर, मत परिणाम विभाजक सूत्रबाट हिसाब यी दुवै पार्टीले समान ५र५ सिट पाउने देखिन्छ । प्रतिनिधि सभातर्फ प्रत्यक्षमा माओवादी केन्द्रले १८ सिट ल्याउँदा रास्वपाले ७ सिटमा जित निकालेको छ ।