प्रधानमन्त्रीद्वारा गेटा कलेज निरीक्षण, सहिद दशरथ चन्द विज्ञान प्रतिष्ठानमा फेरिने

१ फागुन, धनगढी । प्रधानमन्त्री पुष्पकमल दाहाल ‘प्रचण्ड’ले गेटा कलेजको निरीक्षण गरेका छन् । सोमबार बिहान कैलालीको धनगढी आइपुगेको उनले कलेज निरीक्षणपछि कलेज ‘सहिद दशरथ चन्द स्वास्थ्य विज्ञान विश्वविद्यालय’मा परिणत हुने बताए ।

२०६५ सालमा गणतन्त्र नेपालको पहिलोपटक प्रधानमन्त्री हुँदा उनकै पहलमा सुदूररपश्चिमको गेटामा मेडिकल कलेज स्थापना गर्ने निर्णय गरेका थिए । सोही क्रममा नले गेटा कलेज सहिद दशरथ चन्द स्वास्थ्य विज्ञान विश्वविद्यालय स्थापना गर्न शिक्षामन्त्रीसमेतको हैसियतले उक्त प्रस्ताव क्याबिनेटमा पेश गर्न स्वीकृति प्रदान गरेको जानकारी लिए ।

सो निर्णयले नेपालमा स्वास्थ्य शिक्षामा दक्ष जनशक्ति उत्पादन गर्न र जनतालाई गुणस्तरीय स्वास्थ्य सेवा प्रवाह गर्न महत्वपूर्ण योगदान पुर्याउने प्रधानमन्त्री प्रचण्डले विश्वास व्यक्त गरे ।