जैन धर्मका दर्शनलाई जनजनमा पुर्याउन आवश्यक : उपराष्ट्रपति यादव

२१ चैत, काठमाडौं । उपराष्ट्रपति रामसहायप्रसाद यादवले जैन धर्मको दर्शनलाई जनस्तरसम्ममा पुर्याउन आवश्यक रहेको बताएका छन् ।

जैन धर्म प्रसारप्रसार गर्दै आइरहेको नेपाल जैन परिषद्को ५४औं स्थापना दिवसको अवसरमा मंगलबार काठमाडौंमा आयोजित कार्यक्रमलाई सम्बोधन गर्दै उपराष्ट्रपति यादवले महावीरद्वारा प्रतिपादित जैन धर्मले अहिंसा, शान्ति र सदभावनाको दर्शनलाई जनजनसम्म पुरयाउन सघाउ पुर्याउने काम गरिरहेको बताए ।

‘भगवान महावीरका अहिंसा, अपरिग्रन्थ लगायत जीवनपयोगी सिद्धान्तहरु सामाजिक जीवनमा अझै उत्तिकै महत्वपूर्ण छ’ उनले भने, ‘धर्मले नै संसारका सबै नीति, नियम र प्रक्रियालाई अनुशासित रुपमा अगाडि बढाउन प्रेरित गरिरहेको हुन्छ ।’

धर्म विभिन्न प्रकार रहेपनि मुल उद्देश्य सबैको भलो गर्ने रहेको उनको भनाइ थियो ।