रबि लामिछानेविरुद्धको मुद्दा ‘हेर्न नमिल्ने’मा

२१ चैत, काठमाडौं । राष्ट्रिय स्वतन्त्र पार्टी (रास्वपा)का सभापति एवं चितवन २ स्थित उपनिर्वाचनका उम्मेदवार रबि लामिछानेविरुद्ध दायर मुद्दालाई सर्वोच्चमा अदालतले ‘हेर्न नमिल्ने’मा राखेकाे छ ।

सिन्धुलीका युवराज पौडेलले अमेरिकी राहदानी कायमै रहेका बेला नेपाली राहदानी प्रयोग गरेको दाबीसहित दोहोरो राहदानीसम्बन्धी कसुरमा मुद्दा चलाउनुपर्ने माग गर्दै सोमबार दायर मुद्दामाथि न्यायाधीश अनिलकुमार सिन्हाको एकल इजलासमा मंगलबार सुनुवाइका लागि पेसी ताेकिएएको थियाे ।

तर न्यायाधीश सिन्हाले मुद्दाको अवस्थालाई ‘हेर्न नमिल्ने’मा राखेका हुन् । मुद्दालाई हेर्न नमिल्ने शीर्षकमा राखिएको सर्वोच्चको वेभसाइटमा जनाइएको छ ।

मुद्दामा उत्प्रेषण, परमादेश लगायत जे–जो चाहिने उपयुक्त आज्ञा आदेश जारी गरी पाऊँ भनी माग गरिएको थियो । लामिछानेविरुद्ध यसअघि प्रहरीले राहदानी  दुरुपयोसम्बन्धी कसुरमा अनुसन्धान गरेको थियो । तर प्रहरी र सरकारी वकिल कार्यालयले मुद्दा नचलाउने निर्णय गरेका थिए । साेही निर्णढयलाई महान्यायाधिवक्ताकाे कार्यालयले समर्थन गरेकाे थियाे ।

लामिछानेले आउँदो वैशाख १० मा हुने प्रतिनिधिसभा सदस्य उपनिर्वाचनका लागि चितवन २ मा सोमबार उम्मेदवारी दर्ता गराएका छन् ।