मधेश प्रदेश सरकारका एमाले मन्त्रीहरूले बुझाए राजीनामा

२१ चैत, काठमाडाैं । मधेश प्रदेश सरकारका एमाले मन्त्रीहरूले बुझाए राजीनामा मधेश प्रदेश सरकारका नेकपा (एमाले)का मन्त्रीहरुले पदबाट राजीनामा दिएका छन् । मुख्यमन्त्री सरोजकुमार यादवलाई एमालेका मन्त्रीहरुले राजीनामा पत्र बुझाएका हुन् ।

एमालेबाट प्रदेश सरकारमा सहभागी रहेका भौतिक पूर्वाधार विकासमन्त्रीमा सरोजकुमार यादव, महिला, बालबालिका, युवा तथा खेलकुदमन्त्री पदमा मोहम्मद जैद आलम, गृह तथा सञ्चारमन्त्रीमा शत्रुधन प्रसाद सिंह, कानून, न्याय तथा प्रदेशसभा मामिला मन्त्रीमा राजकुमार लेखी र गृह तथा सञ्चार राज्यमन्त्री पदमा केशव रायले आज मुख्यमन्त्री सरोजकुमार यादवसमक्ष राजीनामापत्र बुझाएका हुन् ।

गएराति मुख्यमन्त्री यादवले फोन गरेर एमालेका मन्त्रीहरुलाई राजीनामा बुझाउन निर्देशन दिएका थिए । प्रदेश सरकारमा एमाले सबैभन्दा ठूलो दल हो । एमालेसँग २३ सांसद छन् ।