सडेको अवस्थामा शव फेला, पहिचानको प्रयास गर्दै प्रहरी

६ वैशाख, काठमाडौं । गुल्मीको रुरुक्षेत्र गाउँपालिका–५ स्थित दाङसिरिमा सडेको अवस्थामा मानिसको शव फेला परेको छ । 

दाङसिरको पानीयाटे खोलामा सडेको अवस्थामा नाम थर, वतन, लिङ्ग र उमेर खुलाउन नसकिने अवस्थामा शव फेला परेको जिल्ला प्रहरी कार्यालय गुल्मीले जनाएको छ । 

घटनास्थल लाशजाँच र मुचुल्का लगायतको प्रारम्भिक अनुसन्धान कार्य पूरा गरी पहिचानको लागि शव गुल्मी अस्पतालमा राखिएको कार्यालयले जनाएको छ । 

आफन्त वा नातेदार कोही हराएको छ भने शवको पहिचानका लागि कार्यालयमा सम्पर्क राख्न समेत प्रहरीले अनुरोध गरेको छ ।