आरोपीमाथि कारवाहीको माग गर्दै निषेधित क्षेत्रमा अधिकारकर्मीको नाराबाजी, पहाडीसहित १६ जना पक्राउ

३२ जेठ, काठमाडौं । नक्कली शरणार्थी प्रकरणमा संलग्नलाई कारबाहीको माग गर्दै सडक प्रदर्शनमा उत्रिएका अधिकारकर्मीहरु पक्राउ परेका छन् । प्रदर्शनमा उत्रिएका १६ जनालाई पप्रहरीले नियन्त्रणमा लिएको छ । 

शरणार्थी प्रकरणमा संलग्न शीर्ष नेताहरुसहित मूल दोषीलाई कारबाहीको माग गर्दै मानव अधिकार तथा शान्ति समाजले संसद् भवन अगाडि नयाँ बानेश्वरमा प्रदर्शन गरेका थिए । 

निषेधित क्षेत्रमा आएर नाराबाजी गरेको भन्दै प्रहरीले समाजका पूर्वसभापति कृष्ण पहाडीसहित १६ नेता तथा कार्यकर्तालाई नियन्त्रणमा लिएको छ ।  
 
शरणार्थी प्रकरणमा संलग्न शीर्ष नेताहरुसहित मूल दोषीलाई उम्काएको तथा अरुलाई पनि कारबाही नगरी छाडन खोजेको भन्दै मानव अधिकार तथा शान्ति समाजले संसद् भवन अगाडि नयाँ बानेश्वरमा प्रदर्शन गरेका थिए । निषेधित क्षेत्रमा नाराबाजी गरेको भन्दै प्रहरीले उनीहरुलाई पक्राउ गरेको हो ।