नागरिकता वितरणका लागि सबै जिल्ला प्रशासन कार्यालयलाई सर्कुलर जारी, टोकन प्रणाली लागु

१० असार,काठमाडौं । आजबाट देशभरका जिल्ला प्रशासन कार्यालयहरूबाट नागरिकता वितरण कार्य धमाधम हुने भएको छ । नागरिकता वितरण गर्न सबै जिल्ला प्रशासन कार्यालयलाई सूचना जारी गरिएको छ । 

जिल्ला प्रशासन कार्यालयहरूले २०६३ मा नागरिकता टोलीमार्फत जन्मसिद्ध नागरिकता पाएका नागरिकका सन्तानलाई आइतबारदेखि टोकन प्रणालीबाट वंशजको आधारमा नागरिकता वितरण गर्न लागेको हो  ।

राष्ट्रपति रामचन्द्र पौडेलद्धारा हालै प्रमाणित नागरिकता बिद्येयकलाई सर्वोच्च अदालतले हालै सदर गरे पछि आजबाट नागरिकता वितरण हुन लागेको हो । त्यसका लागि ७७ वटै जिल्लाका जिल्ला प्रशासन कार्यालयलाई निर्देशन दिईसकेको छ ।