पाल्पामा स्कारपियो पुरिँदा मृत्यु भएका ३ जनाको सनाखत

१३ भदौ, काठमाडौं । बुधबार बिहान पाल्पा–गुल्मी सडकअन्तर्गत पाल्पाको रिब्दीकोट गाउँपालिका–२, देउरालीको जोर्तेमा सुख्खा पहिरोमा स्कारपियो (जीप) पुरिएर मृत्यु भएका ३ जनाको सनाखत भएको छ । 

मृत्यु हुनेमा गुल्मीको रेसुङ्गा नगरपालिका–७, की ५० वर्षीया मनकला चुँदारा, गुल्मी प्रहरीमा कार्यरत प्रहरी सहायक हवल्दार तानसेन नगरपालिका–११, बन्दीपोखराका ४२ वर्षीय यमबहादुर बोहोरा र पोखरा महानगरपालिका–२५, हेम्जाका ३१ वर्षीय विनोद तिम्सिना रहेका पल्पा प्रहरीले जनाएको छ । 

तीनै जनाको घटनास्थलमै मृत्यु भएको थियो । अन्य ८ जनालाई उद्धार गरी उपचारमा पठाइएको थियो । घाइतेमध्ये गाडी चालक बालकृष्ण श्रेष्ठको अवस्था खतरामुक्त रहेको जनाइएको छ । घाइतेहरुको पाल्पाको तानसेनस्थित लुम्बिनी मेडिकल कलेजमा उपचार भइरहेको छ ।

सुख्खा पहिरोले लु १ ज ४६०० नम्बरको रुरु रेसुङ्गा यातायात प्रालिको जिप पछाडिको भाग पुरिएको थियो । स्काभेटरले पहिराे पन्छाएर उद्धार गरिएकाे थियाे ।

यो पनि पढ्नुहोस