बाबुको पहिचान नभएका व्यक्तिले अबदेखि आमाका नामबाट नागरिकता पाउने

 ५ असोज, काठमाडौं । अब बाबुको पहिचान हुन नसकेका व्यक्तिले आमाको नामबाट नेपाली नागरिकता पाउने भएका छन् । सरकारले नेपाल नागरिकता 'तेस्रो संशोधन'नियमावली, २०८० राजपत्रमा प्रकाशित गरेको छ । यससँगै नयाँ व्यवस्थाअनुसार बाबुकाे पहिचान हुन नसकेका व्यक्तिले आमाको नामबाट नेपाली नागरिकता पाउने बाटो खुलेको छ । 

बिहीबार नियमावली प्रकाशित भएसँगै उमेर पुगेका र बाबुको पहिचान हुन नसकेका व्यक्तिले आमाको नामबाट नेपाली नागरिकताको प्रमाणपत्र पाउने भएका छन् ।

त्यस्ता व्यक्तिले नागरिकता पाउन जन्मदर्तासहित आमाको नेपाली नागरिकता वा आमा नेपाली रहेको प्रमाण पेश गर्नुपर्नेछ । यसअघि बाबुको नागरिकता अनिवार्य रहेकोमा नियमावली संशोधनसँगै बाबुको पहिचान नभएका व्यक्तिले अवदेखि आमाका नामबाट नेपाली नागरिकता पाउने भएका हुन् । 

नेपाल नागरिकता 'तेस्रो संशोधन' नियमावली २०८० हेर्नुस पूर्णपाठ