काठमाडौंमा आइतबार बेलुकादेखि पानी पर्न कम हुने ( फाेटाे फिचर )

२० फागुन, काठमाडौं । काठमाडौंसहित देशका धेरै स्थानमा अहिले वर्षा भइरहेको मौसम पूर्वानुमान महाशाखाले जानकारी दिएकाे छ । काठमाडौंमा आइतबार बेलुकासम्मै वर्षा हुने सम्भावना रहेको महाशाखाले जनाएको छ ।

महाशाखाका अनुसार बर्षा निरन्तर नभएर केही बेर रोकिने, फेरि पर्नेछ । आज बिहान पनि हल्का बर्षा भएर रोकिएको थियो ।  काठमाडौंमा अहिले मेघगर्जनसहित हल्का वर्षा भएको महाशाखाले बुलेटिन मार्फत जनाएको छ । काठमाडौंमा आइतबार बेलुकादेखि पानी पर्न कम भएपनि बादल भने लाग्ने छ ।

देशका उच्च पहाडी तथा हिमाली भू–भागमा अहिले हिमपात समेत भइरहेको महाशाखाले जनाएको छ । महाशाखाका अनुसार, पश्चिमी वायुको प्रभावका कारण बदली, वर्षा र हिमपात भएको हो ।  देशभरको मौसममा सोमबारदेखि क्रमिक रूपमा सुधार हुने महाशाखाले जनाएको छ ।