कर्णालीको मुख्यमन्त्रीमा एमालेका कँडेलले गरे दाबी पेस

२७ चैत, सुर्खेत । कर्णाली प्रदेशको मुख्यमन्त्रीमा एमाले प्रदेश संसदीय दलका नेता यामलाल कँडेलले दाबी पेस गरेका छन् । माओवादी केन्द्रसहितका दलको समर्थनमा उनले मंगलबार साँझ प्रदेश प्रमुख तिलक परियारसमक्ष मुख्यमन्त्रीमा दाबी पेस गरेका हुन् । 

 
माओवादी केन्द्रका संसदीय दलका नेता तथा मुख्यमन्त्री राजकुमार शर्माले राजीनामा दिएसँगै चैत २१ मा प्रदेश प्रमुख परिवारले बुधबारसम्मको समय दिएर बहुमतको सरकार गठन गर्न आह्वान गरेका थिए । सोही समयभित्र गठबन्धनको नयाँ सरकार बनाउनका लागि दाबी पेस भएको हो । यसअघि कर्णालीको मुख्यमन्त्रीमा पार्टीकै निरन्तरता हुनुपर्ने भन्दै केही नेताले अडान लिएका थिए ।