माधव नेपालले कांग्रेसतिर नलाग्नु भनेर फोन गरेपछि सुदूरपश्चिममा हलचल
नेपालबहस संवाददाता
बैशाख २, २०८१ आइतबार १५:१४:३०
२ वैशाख, धनगढी । सुदूरपश्चिम प्रदेशमा नागरिक उन्मुक्ति पार्टीका नेतालाई मुख्यमन्त्रीमा समर्थन नगर्ने संकेत देखिएपछि एकीकृत समाजवादीका अध्यक्ष माधवकुमार नेपालले फोन गर्दै आफ्ना सांसदलाई कांग्रेसतिर नलाग्न भनेका छन् । उनको फोन आएपछि समाजवादीमा हलचल मच्चिएको छ ।
नागरिक उन्मुक्ति पार्टीको रेशम चौधरी पक्षका नेता लक्ष्मणकिशोर चौधरी, नेपाली कांग्रेस र एकीकृत समाजवादीका प्रदेशसभा सदस्यको समर्थनमा मुख्यमन्त्रीमा दाबी पेश गर्ने तयारीमा छन् । तर एकीकृत समाजवादीका नेताहरु अलमलमा परेका छन् ।
पार्टीका शीर्ष नेताले टेलिफोन गरेर एमाले–माओवादीसहितको गठबन्धनमै रहन र कांग्रेस–नाउपालाई साथ नदिन दबाब दिएपछि सुदूरपश्चिमका एकीकृत समाजवादीका नेताहरूले चौधरीलाई समर्थन दिन सकेका छैनन् ।
कांग्रेस संसदीय दलका नेता तथा कामचलाउ मुख्यमन्त्री कमलबहादुर शाह र नाउपा रेशम पक्षका नेता लक्ष्मणकिशोर चौधरी मुख्यमन्त्री निवासमा एकीकृत समाजवादीका नेताहरूलाई पर्खिरहेका छन् । तर एकीकृत समाजवादीका नेताहरूले आनाकानी गरेका कारण प्रदेश प्रमुखसमक्ष मुख्यमन्त्रीमा दाबी पेश गर्न सकेका छैनन् ।
पार्टी अध्यक्ष नेपालले नै टेलिफोन गरेर कांग्रेससहितको सरकार बनाउन सहयोग नगर्न निर्देशन दिएपछि एकीकृत समाजवादीका नेताहरु छुट्टै छलफलमा बसेका छन् । आज अन्तिम दिन भइसक्दा पनि सुदूरपश्चिममा सरकारको दावी पेश हुन सकेको छैन ।
यसैले सुदूरपश्चिम प्रदेशको सरकार गठन राजनीतिक खेलका कारण अन्योलमा परेको छ । नागरिक उन्मुक्ति पार्टीलाई नेतृत्व दिने गरी सुदुरपश्चिममा गठबन्धनको सरकार बनाउन लागिपरे पनि गएको शुक्रबारदेखिको प्रयास सफल हुन सकेको छैन ।
नागरिक उन्मुक्ति पार्टीकी अध्यक्ष रञ्जीता चौधरीले शुक्रबार नै कैलाश चौधरी मुख्यमन्त्री बन्ने बताएकी थिइन् । तर, नेकपा एकीकृत समाजवादीको असहमति र नाउपाकै रेशम चौधरी पक्षको असहयोगका कारण प्रदेश प्रमुख नजिर मियाँले दिएको मिति गुज्रिनै लाग्दा समेत सरकारको खाका अनिश्चित भएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपहिलाकै स्वरुपमा ल्याइँदै पुरैना ताल
बैशाख १७, २०८१ सोमबार
कैलालीका चुरे पहाडका अधिकांश वनमा डढेलो फैलिँदै
बैशाख १७, २०८१ सोमबार
छबिसपाथिभरा गाउँपालिकाबाट बझाङमा मतगणना सुरू
बैशाख १६, २०८१ आइतबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
पूर्वराजा ज्ञानेन्द्र सडकमा आउने मुहूर्त
बद्रीनरसिंह के.सी.
बैशाख १६, २०८१ आइतबार
एसपीको ड्राइभर कि घुमुवा ?
बैशाख १७, २०८१ सोमबार
राजनीतिक स्थायित्व नभएको देशमा लगानी सम्मेलनको खास अर्थ हुँदैनः कोइराला
बैशाख १७, २०८१ सोमबार
वीरगञ्जमा प्रहरीले गोली चलाएर भारतीय अपराधीलाई लियो नियन्त्रणमा
बैशाख १७, २०८१ सोमबार
चर्चित वन्यजन्तु तस्कर सम्पत्ति शुद्धिकरणमा दोषी ठहर
बैशाख १७, २०८१ सोमबार
इलाममा सुहाङको मत २१ हजार कट्यो, अग्रता कायमै
बैशाख १७, २०८१ सोमबार
सगरमाथाको चौथो शिविरसम्म बाटो खुल्यो
बैशाख १७, २०८१ सोमबार
गण्डकी सरकार गठनविरुद्धको रिट खारेज
बैशाख १७, २०८१ सोमबार
संविधान संशोधनको नेतृत्व कांग्रेसले लिनुपर्छः प्रमुख सचेतक लेखक
बैशाख १७, २०८१ सोमबार