असारे विकास लुटतन्त्रको पर्याय, चार घण्टामै १० अर्ब ३४ करोड रुपैयाँ भुक्तानी
इन्द्र रिजाल
असार ३१, २०७६ बुधबार ०:१२:४६
काठमाडौं । आर्थिक बर्षको उत्तरार्धमा प्राय सबै सरकारी कार्यालयलाई चेक काट्नै भ्याइनभ्याइ हुन्छ । अधिकांश कार्यालयका कर्मचारीहरुलाई बोल्ने फुर्सद समेत हुदैन असारको १५ गते पछि,यस्तै भ्याइनभ्याइ भएको कार्यालय हो महालेखा नियन्त्रकको कार्यालय । सरकारको आयव्ययको विवरण राख्ने महालेखा नियन्त्रकको कार्यालयलाई आर्थिक वर्षको अन्तिम दिन आज भ्याइ नभ्याइ छ। महालेखा आफैँले चालु आर्थिक वर्षको भुक्तानी गर्न कोष तथा लेखा नियन्त्रक कार्यालयहरूलाई असार ३० सम्मको म्याद दिएको छ। तर आज ३१ गते उसैलाई रकम निकासा गर्न मै ब्यस्त देखिन्थे ।
महालेखाका अधिकारीहरु उक्त नियम आज लागू नहुने भन्दै धमाधम बजेट पठाइरहेका छन्। ‘हामीले चालु आर्थिक वर्षका लागि ३० गतेसम्म दिनुपर्ने भुक्तानी सकेर ३१ गते कमी(कमजोरी सच्याउन भनेका हौँ। यसबारे हामीले परिपत्र नै गरेका थियौँ’, सहमहालेखा नियन्त्रक जगन्नाथ देवकोटाले भने, ‘तर हामीले निकासा रोक चाहिँ भनेका छैनौँ। सकिन्छ भने मात्रै गर्नु हो।’ यसको अर्थ पहिले खर्च गर्न सके गर्ने नभए अन्तिम दिन भए पनि लक्ष्यअनुसारको बजेट भुक्तानी गर्न कर्मचारीलाई भ्याइनभ्याई छ।
मंगलबार २ बजेसम्म अर्थात् चार घण्टाको कार्यालय समयावधिमा गरिएको खर्चलाई हेर्दा यसको पुष्टि हुन्छ। महालेखा नियन्त्रक कार्यालय स्रोतअनुसार २ बजेसम्म १० अर्ब ३४ करोड ७८ लाख रुपैयाँ बराबरको खर्च भएको छ। जसमा तीन अर्ब २० करोड चालु खर्च रहेको छ। पुँजीगत खर्चको नाममा ६ अर्ब ९९ करोड भन्दा बढी निकासा गरिएको छ। ६ दिनअघिसम्म ७२ प्रतिशत खर्च गरेको सरकारले मंगलबार दिउसो २ बजेसम्मको अबधिमा ८३ प्रतिशत खर्च पुर्याएको छ।
महालेखा नियन्त्रक कार्यालयका सूचना अधिकारी दिनेश रेग्मीले भने अत्यावश्यक र गर्ने पर्ने काममको मात्रै भुक्तानी गरिएको बताउँछन्। ‘हामीले अत्यावश्यक काम र अहिले नै गर्नुपर्ने भुक्तानीको चेक समेत काटिरहेका छौँ,’ रेग्मीले भने।
अर्थ मन्त्रालयका सहसचिव तथा प्रवक्ता उत्तरकुमार खत्रीले चालु आर्थिक वर्षको अन्तिम दिन भएकाले बेलुका अबेरसम्म भुक्तानी गरिने बताए। ‘आज अन्तिम दिन हो। भुक्तानी गर्न बाँकी रहेको रकम सकेसम्म भुक्तानी गरिन्छ’ खत्रीले भने ‘बेलुका आठ(नौ बजेसम्म चेक काटिन्छ। कुनै किसिमको परिपत्र हामीबाट मातहत निकायलाई भएको छैन।’
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसुनकोसी मरिण डाइभर्सन सुरुङको आज 'ब्रेक थ्रू' हुँदै
बैशाख २६, २०८१ बुधबार
भारतले प्याज निर्यातमा प्रतिबन्ध हटायो
बैशाख २२, २०८१ शनिबार
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैनः अर्थमन्त्री पुन
बैशाख २१, २०८१ शुक्रबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
एकसाता अघि कलंकीबाट हराएकी स्नेह पशुपतिमा भेटिइन्
बैशाख २६, २०८१ बुधबार
३ अर्बको ऋणपत्र निष्कासन गर्दै नबिल बैंक, बिक्री प्रबन्धकमा नेपाल एसबीआई मर्चेण्ट बैंकिङ
बैशाख २६, २०८१ बुधबार
खेल पर्यटन प्रवर्धन गर्न अन्तर्राष्ट्रिय ‘रक क्लाइमिङ’ प्रतियोगिता
बैशाख २७, २०८१ बिहिबार
अमेरिकाले रोक्यो इजरायलमा पठाउने शक्तिशाली बमको खेप
बैशाख २७, २०८१ बिहिबार
नयाँ सरकार गठन प्रक्रिया रोक्न माग गर्दै मुख्यमन्त्री कार्की आज सर्वोच्च जाने
बैशाख २७, २०८१ बिहिबार
समपूरक र विशेष अनुदानका लागि मधेस प्रदेशबाट प्रस्ताव परेन, क्रमागत आयोजनाले बजेट नपाउने
बैशाख २७, २०८१ बिहिबार
गण्डकी प्रदेश सरकारविरुद्ध परेको रिटको पेसी आज
बैशाख २७, २०८१ बिहिबार
नेपाल प्रहरीका ५१९ जना इन्सपेक्टरको सरुवा (सूचीसहित)
बैशाख २७, २०८१ बिहिबार