निर्लज्ज ओलीतन्त्र
नेपालबहस संवाददाता
जेठ २८, २०७८ शुक्रबार १९:४३:३२
सम्पादकीय
अवैंधानिक सत्ता टिकाउन प्रधानमन्त्री केपी ओलीले गरेको राष्ट्रघाती सम्झौताहरु अब धमाधम निस्तेज हुन थालेका छन् । हिजो मात्रै सर्वाेच्च अदालतको संवैधानिक इजलाशले नागरिकता सम्बन्धी अध्यादेश तत्काल कार्यान्वयन नगर्न अन्तरिम आदेश जारी गरिदिएको छ । यसले ओलीलाई राम्रै झड्का लागेको छ । अध्यादेशमार्फत निरंकुशता चलाउने ओली अभिलाषा थोरै भए पनि नियन्त्रित भएको छ ।
हिजै ओलीका लागि अर्काे झड्का प¥यो, त्यो पनि सर्वोच्च अदालतकै आदेशबाट । फागुन २३ पछि सर्वाेच्च अदालतले शक्तिशाली बनाइदिएको ओलीलाई जेठ २७ का दुई फैसलाले लुम्रे बनाएको छ । दोस्रो फैसला चाहिं ओलीको एकलौटी पार्टीमा गरिएको निर्णयहरुलाई अवैध मानिदियो ।
फागुन २८ गते ओलीले आफूपक्षीय केन्द्रीय सदस्यहरुको भेला गरी केन्द्रीय कमिटीलाई भंग गरी १० औं महाधिवेशन आयोजक कमिटीमा रुपान्तरण गरे । साथै, कर्णाली प्रदेशसभामा फ्लोर क्रस गर्ने चार जना सांसद्लाई सफाईको मौका समेत नदिई पदमुक्त गरेका थिए । हिजोको फैसलाले यी सबै काम तत्काल कार्यान्वयन नगर्न अन्तरिम आदेश जारी भएको छ । अब ओलीले फागुन २३ कै फैसला बमोजिम नवौं महाधिवेशनले चुनेको पदाधिकारीसहितको कमिटीबाट मात्रै काम गर्न पाउने भएका छन् । यो ओलीका लागि ठूलो धक्का हो ।
यो कस्तो लोकतन्त्र हो ? नेपालको शासकीय इतिहासमा यो भन्दा क्रूर र दम्भी शासक सायदै कोही रहे होलान् । संसद्मा केवल ९३ जनाको समर्थन रहेको प्रधानमन्त्रीले गर्ने सबै अवैध र अनैतिक निर्णयलाई वैधता दिन खोज्ने शीतलनिवासको शाख र मर्यादा अब कहाँ छ ?
ओलीको स्वेच्छाचारी यात्रालाई सर्वाेच्चका यी दुई निर्णयले गतिलो झापड हानेको छ । सत्ताको आयु लम्ब्याउन उनी हिजै पनि निर्लज्ज ढंगबाट मन्त्रिमण्डल विस्तार गर्दै थिए । जबकी आफैंले निर्वाचनको मिति घोषणा गरिसकेका छन् । तर उनको ताउरमाउर भने दुईतिहाईकै प्रधानमन्त्रीको जस्तो देखिन्छ ।
संवैधानिक रुपले त यो भन्दा निर्मम र छाडापन अरु केही हुँदैन नै राजनीतिक रुपले समेत अनैतिक काम हो यो । तर ओलीका लागि संविधान, कानून र नैतिकताको कुनै माने छैन । केवल राष्ट्रपति विद्यादेवी भण्डारीको कृपादृष्टिले टिकेको नक्कली सत्ताको वैधता र नैतिकता कसैले स्वीकारेको अवस्था छैन । केवल सत्ता सत्ता अनि फेरि पनि सत्ता नै ओलीको अभिष्ट बनेको छ । सत्ताको उकुच पल्टिदाँ समेत शीतलनिवास र बालुवाटार निस्फिक्री देखिन्छ ।
दुुनियाँले ओली – विद्या प्रकरणलाई घृणा गरेको यथार्थ हो । संविधानलाई कागजको खोस्टो बनाएर प्राविधिक सत्ता चलाएको यो जोडीलाई नेपालको राजनीतिक इतिहासमा कस्तो ढंगले अंकित गरिने हो , त्यो त भविष्यकै गर्भमा रहेको छ । तर यति चाहिं पक्का हो की यो जोडीको कार्यकालमा संविधान र प्रजातन्त्रमाथि कालो बादल मडारिएको भन्दै चौतर्फी आलोचना गरी राजनीतिक र कानूनी प्रश्न उठेका छन् ।
आफैंले प्रतिनिधिसभा विघटन गर्ने अनि कार्यकारी प्रमुखले गरेजस्तै काम कारबाही गर्ने । यो भन्दा बिडम्बनापूर्ण अवस्था के पो होला र ?कामचलाउ भएको प्रधानमन्त्रीले धमाधम नयाँ नियुक्ति गर्दैछ, शीतलनिवासले सही छाप गर्दैछ । यो कस्तो लोकतन्त्र हो ? नेपालको शासकीय इतिहासमा यो भन्दा क्रूर र दम्भी शासक सायदै कोही रहे होलान् । संसद्मा केवल ९३ जनाको समर्थन रहेको प्रधानमन्त्रीले गर्ने सबै अवैध र अनैतिक निर्णयलाई वैधता दिन खोज्ने शीतलनिवासको शाख र मर्यादा अब कहाँ छ ?
सत्तामा परिवारवादको नग्न उदाहरण पनि ओली महन्थ समूहले इतिहासमा दर्ज गरेको छ । कुनैबेला पद र सत्तामा श्रीमान् श्रीमती रहने परम्परा र अभ्यासको थालनी मधेसवादी दलका यिनै नेताले गरेका थिए । त्यसको विरोधमा वर्तमान प्रधानमन्त्री ओलीले दिएका टिप्पणी र भाषणको बाइट यतिबेला सामाजिक सञ्जालमा भाइरल भएका छन् । उनै ओली अहिले भने सत्ता टिकाउनकै लागि आफ्नै पक्षबाट त्यही गर्वका साथ त्यही इतिहास दोह¥याइरहेका छन् ।
त्यसको दृष्टान्त दुईवटा घटनाले मात्रै पर्याप्त पुष्टि गर्छ । ओलीले आफ्नो वर्तमान कार्यकालमा १९ पटक मन्त्रिमण्डल पुनर्गठन गरे । कुनै बेला उनले रघुवीर महासेठलाई मन्त्री बनाए । कार्यक्षमतामा कमजोर भन्दै उनलाई हटाएर महासेठकै श्रीमती जुलीकुमारी महतोलाई मन्त्री बनाए । पछिल्लो पटक भने उनले जुलीलाई हटाएर उनै कमजोर ठहरिएका महासेठलाई पदोन्नती गर्दै उपप्रधानमन्त्रीसहित परराष्ट्रको जिम्मेवारी दिए ।
उता, माओवादीबाट आएका रामबहादुर थापा ‘बादल’लाई लाखको शिश गर्दा पनि उनले फेरि मन्त्री बनाउन सकेनन् । त्यसका लागि वाधक भयो पार्टी र सर्वाेच्च अदालत । जेठ ६गते भएको बाग्मती प्रदेश अन्तर्गत राष्ट्रियसभा उपनिर्वाचनमा ओलीले बनाएका उमेदवार बादलले नराम्ररी पराजय भोग्नु प¥यो । त्यहीदिन सर्वाेच्चले सांसद नरहेकालाई पटक पटकमन्त्री बनाउन नमिल्ने फैसला सुनायो ।
त्यसैले ओलीले हिजो मात्रै बादल पत्नी नैनकला थापालाई सञ्चारमन्त्री बनाए । लोकलाज पचाएका ओली र बादलहरुले नेपाली जनताको बलिदानीको राम्रै फाइदा उठाएका छन् । यो क्रम कहाँ पुगेर बिश्राम लिने हो त्यो भने नेपाली जनताले लामो कुर्नु नपर्ने अवस्था निर्माण हुँदैछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनयाँ वर्षमा सबैको कामना, हाम्रा नेतामा सद्बुद्धि पलाओस् !
बैशाख १, २०८१ शनिबार
शान्ति, सम्बृद्धि, सुशासन र सहमतिको वर्ष बनोस् २०८० !
बैशाख १, २०८० शुक्रबार
इतिहास र बाह्य आलोकमा राष्ट्रिय मेलमिलाप तथा एकता दिवस
पुष १८, २०७८ आइतबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
एकसाता अघि कलंकीबाट हराएकी स्नेह पशुपतिमा भेटिइन्
बैशाख २६, २०८१ बुधबार
३ अर्बको ऋणपत्र निष्कासन गर्दै नबिल बैंक, बिक्री प्रबन्धकमा नेपाल एसबीआई मर्चेण्ट बैंकिङ
बैशाख २६, २०८१ बुधबार
बाँकेमा गोली हानेर लागु औषध कारोबारी नियन्त्रणमा
बैशाख २७, २०८१ बिहिबार
भोलिबाट सुरु हुने संसद अधिवेशनमा कसरी प्रस्तुत हुने भन्ने रणनीति बनाउँदै कांग्रेस
बैशाख २७, २०८१ बिहिबार
आगलागीमा जलेको नगद
बैशाख २७, २०८१ बिहिबार
कोशीमा हिक्मत कार्कीलाई मुख्यमन्त्री बनाउने दाबी पेश हुँदै
बैशाख २७, २०८१ बिहिबार
खेल पर्यटन प्रवर्धन गर्न अन्तर्राष्ट्रिय ‘रक क्लाइमिङ’ प्रतियोगिता
बैशाख २७, २०८१ बिहिबार
अमेरिकाले रोक्यो इजरायलमा पठाउने शक्तिशाली बमको खेप
बैशाख २७, २०८१ बिहिबार