ठोरी आसपासमा आतंक मच्याउने बाघलाई नियन्त्रणमा लिन सेना सफल

 
२२ चैत, पर्सा । ठोरी गाउँपालिकालगायत आसपासको क्षेत्रमा आतंक मच्चाउदै आएको बाघलाई नियन्त्रणमा लिइएको छ। चितवन राष्ट्रिय निकुञ्ज र पर्सा राष्ट्रिय निकुञ्जको संयुक्त टोलीको सहयोगमा नेपाली सेनाको टोलीले नियन्त्रणमा लिइएको हो । 

ठोरीस्थित कुसुमवाटिका उपभोक्ता समितिका अध्यक्ष बुद्ध पाखरिनका अनुसार  पछिल्लो केही दिनदेखि सो बाघले किसानका बाख्रालगायत घरपालुवा जनावार मारेर खान थाले पछि स्थानियको अनुरोधमा सो बाघलाई नियन्त्रणमा लिईएको हो । बाघका कारणा स्थानियको ज्यान नै जोखिम पर्ने सम्भावना बढे पछि स्थानियले निकुञ्जलाइ बाघ  नियन्त्रणमा लिन अनुरोध गरेका थिए । 

सो बाघलाई नियन्त्रणमा लिनु अघि ठोरी आसपासका क्षेत्र तथा  बाघ हिँड्ने स्थानमा क्यामेरा जडान गर्नुका साथै डाक्टरसहितको टोली परिचालन गरेर रेक्की गरिएको थियो । पाँच दिनको अनवरत प्रयास पछि सो बाघलाई नियन्त्रणमा लिन नेपाली सेनाको टोली सफल भएको हो ।